Monday 7 July 2014

ඩ‍නේරිස් - 01-2


දොරට පිටතින් මෘදු තට්ටු කිරීමක් ඇසින. "එන්ට." ඩැනී කීවේ ජනේලයෙන් ඉවතට හැරෙමිනි. ඉල්ලීරියෝ ගේ සේවකයෝ ඇතුළට පැමිණ ඇයට හිස නමා තම රාජකාරිවල නියැලෙන්නට වූහ. සැබැවින්ම නම් ඔවුහු මැජිස්ටර් සිය ඩොත්රැකි යහළුවන්ගෙන් තෑගි ‍ලෙස ලද වහලුන් වූහ. පෙන්ටොස්වල නීත්‍යනුකූලව වහල් මෙහෙයක් නොමැති වුවද ඔවුහු වහලුන් වූහ. පුංචි අළු පැහැ මීයකු මෙන් වූ නාකි ගැහැණිය කිසිදු දිනෙක වචනයක් හෝ නොදෙඩුවත් නිල් දෑසක් හිමි දහසය හැවිරිදි වූ අනික් දැරිය වැඩ පල අතරේ දෙදෙනාටම ඇතිවන තරමට තොරතෝංචියක් නොමැතිව දෙඩෙවුවා ය.

නාන බාල්දිය උණු වතුරෙන් පිරවූ ඔවුහු එයට සුවඳ කැවූ තෙල් මුසු කලහ. දැරිය ඩැනීට නාන බාල්දියට බැසීමට උදවු කලාය. වතුර පිලිස්සෙන තරමට උණුසුම් වූවත් ඩනේරිස් ඇකිලුනේ හෝ වේදනාවෙන් කෑ ගැසුවේ ‍හෝ නැත. ඇය උණුසුමට ප්‍රිය කල අතර එය ඇගේ සිතේ පිරිසුදු හැඟීමක් ඇති කරන ලදී. අනික් අතට ඇගේ සොහොයුරා නිතර කියා ඇති පරිදි ටාර්ගේරියන්වරුන්ට කෙදිනකවත් උණුසුම දැඩි වූයේ නැත. "අපි පැවතෙන්නේ මකරුන් ගේ වංශයෙන්. අපේ ලේ වල තියෙන්නෙ ගින්දර." මේ ඔහු නිතර පැවසූ වදනකි.

නාකි ගැහැණිය කිසිදු කතා බහකින් තොරව ඩැනී ගේ දිගු රිදී පැහැ වරලස සෝදා පිරිසුදු කලාය. දැරිය ඇගේ පිට හා දෙපා අතුල්ලන අත‍රේ දෙඩෙවු‍වේ ඩැනී කෙතරම් වාසනාවන්තද යන්නයි. "ඩ්‍රෝගෝ කොච්චර පොහොසත් ද කියනවානං එයාගෙ වහල්ලු පළඳින්නෙත් රත්තරන් කර පටි. එයා ගෙ ඛලසාර් එකේ මිනිස්සු ලක්ෂයක් ඉන්නවා. වයෙස් ඩොත්රැක් වල තියෙන එයාගෙ මාලිගාවෙ කාමර දෙසීයක් තියෙනවා. ඒකෙ දොරවල් ඔක්කොම හදලා තියෙන්නෙ රිදියෙන්." ඇය තවත් මෙවැනි බොහෝ දේ දෙඩෙවුවා ය. ඛාල් කෙතරම් කඩවසම් ද, කෙතරම් උස ද, කෙතරම් ප්‍රචණ්ඩ ද, යුද්ධයේ දී කෙතරම් නිර්භීත ද, අසුන් මෙහෙයවීමට කෙතරම් දක්ෂ ද, ඔහු ගේ ධනු ශිල්පය කෙතරම් අපූරුද. ඩනේරිස් කිසිවක් නොකියා නිහඬවම සිටියා ය. ඇය සැමදාමත් සිතුවේ නිසි වයස් පැමිණි පසු ඇය විසේරිස් හා විවාහ වනු ඇති බවයි.

ජයග්‍රාහක ඒගොන් සිය සොයුරියන් දෙදෙනා විවාහ කර ගත් දා පටන් සියවස් ගණනාවක් තිස්සේ ටාර්ගේරියන්වරු විවාහ වූයේ සොයුරු ‍සොයුරියන් සමගය. විසේරිස් ඇයට දහස් වරක් කියා ඇති පරිදි ඔවුන් සිය පරම්පරාව පිරිසුදුව තබා ගත යුතු විය. ඔවුන්ට තිබුනේ රාජකීය රුධිරය යි, වැලීරියාවේ රන්වන් රුධිරය යි, මකරුන් ‍ගේ රුධිරය යි. මකරුන් කෙදිනකවත් වනාන්තරයේ අනෙකුත් සතුන් හා සහවාසයේ යෙදුනේ නැත. එලෙසින්ම ටාර්ගේරියන්වරුත් කෙදිනකවත් සිය රුධිරය වෙනත් මිනිසුන් ගේ රුධිරය හා මුසු කෙරුවේ නැත. එනමුත් දැන් විසේරිස් ඇයව නාඳුනන ම්ලේච්ඡයෙකුට විකිණීමට සැරසෙයි.

නා හමාර වූ පසු ඇයට නාන බාල්දියෙන් බැසීමට උදවු කල වහලුන් දෙදෙනා ඇයව පිසදාන්නට වූහ. ඉන්පසු දැරිය ඇගේ දිගු කෙහෙරැළි රිදී පැහැ දිය ඇල්ලක් මෙන් කඩා හැලෙන තෙක් පීරන්නට වූ අතර නාකි ගැහැණිය ඩොත්රැකි තැනිතලාවේ සුඝන්ධ පුෂ්පයෙන් නිමවූ සුවඳ විලවුන් ඇගේ ගත ගැල්වූවා ය‍. අවසානයේ දී මැජිස්ටර් ඉල්ලීරියෝ විසින් එවන ලද ගවොම ඈ ගත දැවටූහ. කුඩා මිරිවැඩි සඟලකින් ඇගේ දෙපා වැසූ ඔවුහු හිස මත කුඩා ඔටුන්නක් රඳවා ඇමතේස්ත එබ්බවූ ඝණ රන් වළලු වලින් ඇගේ දෑත් සැරසූහ. ඒ සියල්ලටම පසු පුරාණ වැලීරියන් මිණියමින් සැරසූ රන්වන් කර පටියක් ඇයට පැලැන්දූහ.

"දැන් නං ඔබ නියමම කුමාරිකාවක් වගේ." දැරිය පැවසූයේ මේ සැරසිලි සියල්ල හමාර වූ පසුව ය. දර්පණයෙන් ‍පෙනෙන තම ප්‍රතිබිම්බය දෙස ඩැනී බැල්මක් හෙලුවා ය. කුමාරියක්! නමුත් ඇයට සිහිපත් වූයේ දැරිය කලින් පැවසූ වදන් ය. 'ඛාල් ඩ්‍රෝගෝ කොච්චර පොහොසත් ද කියනවානං එයාගෙ වහල්ලු පළඳින්නෙත් රත්තරන් කර පටි.' මේ ගැන සිතත්ම ඇගේ සිරුර පුරා සීතලක් දිවයන්නට වූ අතර නිරාවරණයවී තිබුනු දෑත පුරා හී ගඩු පිපෙන්නට විය.

ඇගේ සොහොයුරා පිටත ශාලාවේ පොකුණු ගැට්ට මත වාඩි වී බලා සිටියේ ය. ඇය පිටතට පැමිනෙත්ම නැගී සිටිය ඔහු විමර්ශනාත්මක බැල්මෙන් ඇයව නිරීක්ෂණය කරන්නට විය. "ඔහොම හිටගන්ට. රවුමක් කැරකෙන්ට. අන්න එහෙම. නියමයි. ඔයා පේන්නෙ හරිම...."

"රාජකීය තාලෙට." මැජිස්ටර් ඉල්ලීරියෝ පැවසූයේ ආරුක්කු මගට අවතීර්ණ වෙමිනි. ඔහු ඇවිද්දේ සිය දැවැන්ත ශරීරයට නොගැලපෙන තරමේ විස්මයජනක ලාලිත්‍යයකිනි. "අද මේ වාසනාවන්ත දවසේ ආලෝකයේ දෙවියන් වහන්සේ ඔහුගේ ආශීර්වාදයෙන් ඔබව තෙමනු ලැබේවා ඩනේරිස් කුමරියනි!" මැජිස්ටර් පැවසූයේ ඇගේ අතකින් අල්ලා ගනිමිනි. ඔහු හිස මඳක් ඇල කර ඇයට ආචාර කලේ යාන්තමට මුව විවර කල සිනහවක්ද සමගිනි. "ඇය නිකං හීනයක් වගේ මගේ ස්වාමීනී. හීනයක් වගේ." ඔහු විසේරිස් අමතා කීය. "ඩ්‍රෝගෝ සන්තෝසයෙන් ප්‍රමුදිත වෙයි."

"එයා හරිම කෙට්ටුයි නේ." විසේරිස් කීය. ඉල්ලීරියෝ විසින් ඔහුට ලබා දුන් අසිපතේ මිට මත ඔහු තම අත රඳවාගෙන සිටියේ ය. "ඔයාට හොඳටම විශ්වාසද ඛාල් ඩ්‍රෝගෝ මෙච්චර තරුණ ගෑනියෙකුට කැමැති වෙයි කියලා?"

"එයා වැඩිවිය පැමිණි කෙල්ලක්. මේ හොඳටම වයස ඇති." ඉල්ලීරියෝ ඔහුගේ සැක දුරු කලේ මුල්ම වරට නොවේ. "බලන්ටකො එයා දිහා. මේ රිදී පාට කොණ්ඩෙ, මේ දම් පාට ඇස්... එයාගෙ ඇඟේ දුවන්නෙ පුරාණ වැලීරියාවෙ ‍ලේ, ඒ ගැන කිසිම සැකයක් නෑ, කිසිම සැකයක් නෑ... උසස් උපතක්, පරණ රජතුමාගෙ දුව, අලුත් රජතුමාගෙ සහෝදරී. එයාට අපේ ඩ්‍රෝගෝව සතුටු කරන්ට බැරි වෙන එකක් නෑ." ඩැනී ට වැටහුනේ ඇගේ සිරුර වෙවුලමින් තිබෙන බවයි.

"මං හිතනවා." ඇගේ සොහොයුරා අතීරණාත්මක ස්වරයෙන් පැවසී ය. "ඔය ම්ලේච්ඡයන්ට තියෙන්නෙ අසාමාන්‍ය රුචියක්. පිරිමි ළමයි, අශ්වයො, බැටළුවො..."

"ඛාල් ඩ්‍රෝගෝ ඉස්සරහදී ඔහොම කතා කියන්නෙ නැතුව කට පරිස්සං කරන් ඉන්නවනං හොඳයි." ඉල්ලීරියෝ පැවසීය.

ඇගේ සොයුරා ගේ දෑස් කේන්තිය නිසා දීප්තිමත් විය. "මං මෝඩයෙක් කියලද හිතන්නෙ?"

මැජිස්ටර් මඳක් හිස නැමීය. "ඔබ රජෙක් කියලයි මං හිතන්නෙ. රජවරු සාමාන්‍ය මිනිස්සු දෙන අවවාද උපදෙස් පිළිපදින්නෙ නෑ නෙ. මට සමාවෙන්ට මං වැරැද්දක් කිවුවා නං." ආපසු හැරුනු ඔහු සේවකයන් කැඳවීම සඳහා අත්පොඩි තැලී ය.

ඔවුන් ඉල්ලීරියෝ ගේ දෝලාවේ නැගී පිටත්වන විට පෙන්ටොස් වල වීදි අඳුරෙන් පිරී තිබින. පන්දම් අතින් ගත් ‍සේවකයින් දෙදෙනෙකු පෙරටුව ගමන් ගත් අතර තවත් දුසිමක් පමණ දෝලාව ඔසවාගෙන ඒ පසුපස්සෙන් වැටින. දෝලාවේ වැසුණු තිර වලට පිටුපසින් ඩැනී ට උණුසුම් බවක් දැනින.

පසෙකින් කොට්ට මත දිග ඇදී සිටි ඇගේ ‍සොහොයුරා ගේ සිත තිබුනේ පටු මුහුදෙන් එහා ය. "අපට මිනිහගෙ මුළු ඛලසාර් එකම ඕන වෙන්නෙ නෑ." විසේරිස් කීවේ කඩු මිට මත අතැඟිලි දුවවමිනි. එනමුදු ඔහු කිසිදා සටනක් පිණිස කඩුවක් භාවිත නොකල බැවි ඩැනී දැන සිටියා ය. "දහදාහක්. ඒ ටික ඇති වෙයි. ඩොත්රැකි සොල්දාදුවො දහදාහක් එක්ක මට පුළුවන් රාජධානි සප්තකය අතු ගාලා දාන්ට. නියම උරුමක්කාරයා වෙනුවෙන් රාජධානිය නැගී හිටියි. ටිරල්, රෙඩ්වින්, ඩැරී, ග්‍රේජෝයි මේ මිනිස්සුන් ගෙ කිසිම ආදරයක් නෑ රජකම පැහැර ගත්ත එකා ගැන. ඩෝර්නිෂ්වරු බලාගෙන ඉන්නෙ ඊලියාගෙ යි එයාගෙ දරුවන්ගෙ යි පලිය ගන්ට. සාමාන්‍ය ජනතාවත් අපි එක්කයි. එයාලා බලාපොරොත්තුවෙන් ඉන්නෙ එයාලගෙ රජතුමා එනකං." ඔහු තැවිලි සහගත දෑසින් ඉල්ලීරියෝ දෙස බැලීය. "එහෙම ‍නේද?"

"ඒ ඔබේ ජනතාව. ඔවුන් ඔබට ආදරෙයි." මැජිස්ටර් ඉල්ලීරියෝ මිත්‍රශීලී ලෙසින් පැවසී ය. "රාජධානිය පුරාවටම බලකොටුවල මිනිස්සු ඔබ වෙනුවෙන් හොර රහසේ සවුදිය පුරනවා. ගැහැණු මකර කොඩි මහලා හංගන් ඉන්නෙ ඔබ මුහුදෙන් එ‍තෙර වෙලා එන දවස වෙනකං. මගේ ඒජන්තයො එහෙමයි කියන්නෙ."

ඩැනී ට කිසිදු ඒජන්තයෙකු නොවී ය. එමෙන්ම පටු මුහුදෙන් එහා සිදුවන දේ හෝ මිනිසුන් ගේ සිතුම් පැතුම් හෝ දැනගැනීමේ ක්‍රමයක් ද නොවී ය. නමුත් ඇය ඉල්ලීරියෝ සම්බන්ධ සියළු දේම සැක කලා මෙන් ඔහු ගේ මේ මිහිරි වදන් ද සැක කලා ය. එසේ වුවද ඇගේ සොහොයුරා ඒ සෑම වදනක්ම උරා බීවේ උනන්දුවෙන් හිස සලමිනි. "රජකම පැහැරගත්ත එකා මං මගේ අතින්ම මරලා දානවා." ඔහු පොරොන්දු විය. එනමුදු ඔහු මේ වන තෙක් කිසිදිනෙක කිසිවෙකු මරා දමා නොතිබිනි. "හරියට ඌ ම‍ගෙ සහෝදරයා රේගාර් මරලා දැම්මා වගේම. ලැනිස්ටර්වත් මරලා දානවා. රජුන්මරන්නා වත්, ඌ මගෙ තාත්තට කරපු දේට."

"ඒක තමා සුදුසුම දේ." ඉල්ලීරියෝ පැවසී ය. ඔහු ගේ දෙතොල් මත පොපියන සියුම් සිනාවක් ඩැනී දුටුවත් ඇගේ සොහොයුරා ඒ නොදිටී ය. හිස සැලූ ඔහු තිරය මෑත් කර පිටත රාත්‍රිය දෙස බලන්නට විය. ඔහු නැවතත් සිත ඇතුළෙන් ත්‍රිශූලය අසල සටන මෙනෙහි කරන බැව් ඩැනී දැන සිටියා ය.


Viserys Targaryen: "Do you take me for a fool?"
Illyrio Mopatis: "I take you for a king."

91 comments:

  1. සහෝදර සහෝදරියන් අතර විවාහ.. ඇත්තෙන්ම ලංකාවේ තිබ්බ නෑනා මස්සිනා විවාහත් එක අතකට ඔය වගේ තමා. කොහොම හරි, මට පෙන්නේ ඉල්ලීරියෝගේ වෙන මොකක් හරි අරමුණක් තියනවා.. බලමුකෝ කතාව ඉස්සරහට....

    ReplyDelete
    Replies
    1. ඉල්ලීරියෝ විතරක් නෙවෙයි තව ගොඩක් අය ඉන්නවා යටි අරමුණු තියාගෙන වැඩ කරන. අපි බලමුකො ඉස්සරහට කට්ටිය මොනා මොනා කරයිද කියලා. :-)

      Delete
  2. තව ටිකක් බලන්න වෙයි වගේ
    අර පෝරිසාදය මොකාට එනවද කියල බලාගන්න

    ReplyDelete
    Replies
    1. මොන පෝරිසාදයද මහේෂ්? මේකෙ පෝරිසාදයො කීපදෙනෙක්ම ඉන්නවා. ;-)

      Delete
  3. දම්පාට ඇස් දෙකයි රිදීපාට කොන්ඩෙයි කිව්වම නිකං ඩ්‍රැකියුලාවියක් වගේද කියලා හිතුනේ .

    //"අපිට මිනිහගේ මුළු ඛලසාර් එකම ඕනවෙන එකක් නෑ "// මොකක්ද "ඛලසාර්" කියන්නේ ...?

    ReplyDelete
    Replies
    1. his army, his clan. ගෝත්‍රය තම හරි වචනේ. එත් ඛලසාර් ඊට වඩා ලස්සනයි නේද ?

      Delete
    2. ඒක clan එකකටත් වඩා army එකක් නේද? ඛලසාර් එකේ නායකයා තමා ඛාල් කියන්නෙ.

      Delete
    3. well his khalasar has more than warriors ( screamers as they are called in dothrak)
      women and children, horses, goats, sheep, slaves etc

      Delete
    4. මුල් මධ්‍යකාලීන යුගයේ (ජෙන්ඝීස්, බටු, ඔගඩෙයි) මොන්ගෝලියානු හමුදාවනුත් මේ වගේ තමා කසුන්. සෙබළුන් එක්ක එයාලගෙ බිරින්දෑවරු, ළමයින්, අමතර අශ්වයින්, හරක්, නිදාගන්න කූඩාරම් මේ හැම දෙයක්ම අරන් යනවා. මොකද මෙයාලා ස්ථිර වාසස්ථාන නැති සංචාරක ජනතාවක් නිසා. සටනකදි ‍මේ කට්ටිය වෙනම තැනක ආරක්ෂාකාරීව තියලා තමා සටනට යන්නෙ. ඩොත්රැකියනුත් ඒ හා සමානයි.

      මම හිතන්නෙ මාර්ටින් ලොක්කා මේ ඛලසාර් එක ගැන අදහස ගන්ට ඇත්තෙත් ඒ මොන්ගෝලියන් හමුදාවලින් කියලයි. නම පවා. ඛාල් = ඛාන්

      Delete
    5. ඔව් ඔව් ඉවාන්. එයා හරි වසයි !! අදහස අතෑරගන්ඩ. :D

      Delete
    6. @පවුලූශා,

      කොච්චර කෙල්ලෝ දිහා බලන්ට එපා කීවත් අහන්නේ නෑනේ...:D

      වැම්පයර් ගර්ල්සා ලස්සණයි. ඔය මොන පාට කොන්ඩා, ඇස් තිබුණත්.

      Delete
    7. ser bura ,
      yes of course. GRRM seems to have taken stuff from all the cultures, as will be seen in descriptions of pentos, bravos, volantis etc.

      Delete
    8. @ පොඩ්ඩි - බැලුවේ නෑ මෙයා ,ඔයා දිහාම බලාගෙන ඉඳලා අහක බලපු පොඩ්ඩට දැක්ක දෙයක් ..... :P

      Delete
    9. ඒයි පත්තර මල්ලි.. ගන්ඩ දෙන්ඩ මෙහෙ බෑ.. ගන්ට දෙන්ට විතරයි..

      Delete
    10. සරත් අයියා.. සමාවෙන්ට සමාවෙන්ට :D
      ගන්ට දෙන්ට .

      Delete
  4. i think tyrell and redwyne names are slightly mistranslated.

    And lady poddi, why didn't you say where they dabbed the perfumes?
    such elegant details . (read it just yesterday )

    ReplyDelete
    Replies
    1. ටිරල්/ ටිරෙල් හා රෙඩ්වින්. එහෙම තමා audiobook එකේ ඇහෙන්නෙ නම්.

      Delete
    2. May be two different audiobooks, i think mine is audible. not sure, pirated stuff
      anyway what does it matter? these arnt even English

      But you agree with me about the perfume right ? :P

      Delete
    3. A dab on each writs, behind her ears, xx xxx xxx xx xxx xxxxxxx, cool on her lips, xxxx xxxxx xxxxxxx xxx xxxx. කසුන් කියෙව්වානේ. :D

      ඩැනීගේ ‘ wedding night ' ගැන කියනකොට මෙයා තාප්පේ පැත්තට යවලා තියන්ට වෙයිද මන්දා....හී හී....

      Delete
    4. oh come on, you know that perfume thing is just the least erotic part of the book, wat abt the stuff that happens beyond the wall in ice caves and in the sept of balor ?
      i think the translation should tell it all. but its of course your decision.

      Delete
  5. පව් අප්පා ඩැනි,තමන්ගේ සහෝදරයාගේ පටු අරමුණු වෙනුවෙන් බිල්ලට යන්න වෙලා වගේ කෙල්ලට...:(
    මට හිතුනොත් මම යනවා ඩැනිව එක්ක ගෙන එන්න...;)
    ලස්සනයි කතාව යන විදිය හොඳේ..:)

    ReplyDelete
    Replies
    1. ඔව් මනෝජ් ඩැනීට උදව් කරන්න ඔයාට පුලුවන් , ඉක්මනට ගිහින් අරගෙන එන්න :)

      Delete
    2. ඔව්,ඔව් මේ දැන්ම යනවා සොන්යා .කෝ මයේ අශ්පයා....:)

      Delete
    3. ස්තූතියි මනෝජ්! යන ගමනක් පරිස්සමින් ගොහිල්ලා එන්ටකො. :-D

      Delete
    4. මනෝජ්
      අමතක කරන්න එපා ඔය ඩැනීව බේරගන්න යන වීර චාරිකාවෙදි එකම එක දෙයක්. ඒ තමා ඩ්‍රෝගෝ සහ එයාගෙ කට්ටිය පිරිමි ළමයින්ට අසාමාන්‍ය රුචියක් තියන ම්ලේච්ඡ ජන කොටසක් විත්තිය :D :D

      Delete
    5. හානේ ,මට එක අමතක වුණානේ ඕනේ ටැන්කු හොඳේ මතක් කෙරුවාට..:)
      බැටළුවන්ට,අශ්වයන්ට ඉන්න දෙන්නේ නැති මිලෙච්ජ්යෝ අපිට මොනවා නොකරාවිද:D ?
      එත් මම යනවා ඩැනි වෙනුවෙන් යනවා...:)

      Delete
    6. අමුවෙන් නං යන්ඩෙපා ඔය වගේ වැදගත් වැඩ වලට.. ඒ උනාට ඩැනීට ගඳ ආවොත් ලෙඩක් වැටෙන්ඩ ඉඩ තියනවා.. හැක්ස් ටොෆියක් කාල යං !!

      Delete
    7. @මනෝජ්,

      හපොයි මෙයාලගේ ඩැනී තියෙන අනුකම්පාව...:)

      අර උඩ පේන්නේ නැද්ද එක කෙල්ලෙක්ගෙන් අශ්වයා ඉල්ලනවා තවත් කෙල්ලක් බේරගෙන එන්ට. ඔන්න ඔය වගේ වෙලාවෙදි තමා අර මනමේ කුමාරි වැද්දට කඩුව දෙන්ට ඇත්තේ...:D

      හැබැයි ඉතින් ඇත්තටම ඩැනී පව් තමා...:(

      Delete
  6. අදත් හරිම ලස්සන කොටසක්....මොකද වෙන්නේ කියලා බලමු ඉදිරියට.....

    ReplyDelete
    Replies
    1. බොහොම ස්තූතියි නලින්!

      Delete
  7. King Slayer කියන එක "රජුන් මරන්නා" කියනවට වඩා "රජා මරපු එකා" කියලා කිව්වොත් ගැලපෙනවා නේ...

    ReplyDelete
    Replies
    1. රාජ ඝාතක?

      රාජ ජීව හරණ? :-D

      Delete
    2. තව නම් තියෙනවනම් දෙන්ටලා. මමත් ඔය රජුන් මරන්නා කියන එක ගැන සෑහීමකට පත්වෙන්නෙ නෑ. :-)

      රාජ ඝාතක කිවුවහම එයා රජ්ජුරුවන්ගෙ නිළ ඝාතකයා/ අළුගෝසුවා ව‍ගේ හැඟීමක් එන්නෙ නැද්ද?

      Delete
    3. regicide - රජ ඝාතක
      Parricide- පීත්‍රූඝාතක වගේ

      Delete
  8. ඩැනී??? ලස්සන ඩනේරිස්ට දාලා තියන නම නං කැතයි :)

    ReplyDelete
    Replies
    1. එත් නිකං "ඩනේරිස්"කියන නමත් කැතයි වගේනේ බස්සෝ,එක හරියට ගුනේරිස් වගේනේ...:D

      Delete
    2. බස්සොත් එක්ක බෑ! :-D

      Delete
    3. @ මනෝජ් & බුරා

      බස්සො??? හහ් , මම දැන් සේර් බස්තියන්, ඇයි යකඩෝ මේකෙ ලියන, නං තියන ඔක්කෝටම නම්බුනාම දෙන එකේ , මෙච්චර නයිට් අදින මට "නයිට්" නාමයක් දුන්නාන මොකෑ වෙන්නෙ?

      Delete
    4. පොඩ්ඩිත්තක් ඉවසලා ඉන්ටලා. ආර්යාව වැඩමකරලා සියතින්ම 'නයිට්වරය' ප්‍රදානය කරයි. :-)

      Delete
    5. හේ,හේ ඔහොම හැමෝම "නයිට්"වුණාම හරි නැහැනේ බස්සෝ.එක නිකං අපේ ගමේ හැම එකාටම "සමාදාන විනිසුරු"කම් තියෙනවා වගේ වැඩක්නේ...:D
      කමක් නැහැ,කමක් නැහැ.කියන්නත් වගේ මේ තරම් නයිට් ගහන බස්සා නයිට් වරයක් ලබන්න ඕනේ සුදුසුකම් උඩින්ම සපුරලා තියෙන එකේ ඔන්න ඕක දීලා දාමු සර් බුරාන්.පොඩ්ඩි ආර්යාවත් එක්කෙන් එකහු වෙලා...:)

      Delete
    6. [spoilers] plaese dont read if you dont want to know the future.




      Daenerys stormborn of the House Targaryen, the xxxxxx of Her Name
      Queen of xxxxxxxxQueen of the xxxxxx, the xxxxxx and the xxxxxxxxxxxxLady Regnant of the xxxxxxxxxxxxxxxProtector of the xxxxxxxxxxxxKhaleesi of the xxxxxxxxxxxxBreaker of xxxxxxxxMother of xxxxxxxxxx

      දැන් කොහොමද? නම ලස්සනද ?

      Delete
    7. DGMB,
      Ser බස්සනයිට් ?

      Delete
    8. @අහිංසක බස්සා,

      මේක ටිකක් අමාරු වැඩක්. ඊයේ රෑ හොඳට නෑවද? :D

      කලු සපත්තු දාගෙනද ඉන්නේ? රතු රෝබ් එකක් ඕනි. පැය දහයක් එක දිගට දන ගහගෙන ප්රේ කරලා තියෙන්ට ඕනි. ඔක්කොම හරි නම්....
      දැන් දන ගහන්ට. මොකක් කීවා? නෑ නෑ ' will you marry me ? ' කියලා අහන්ට නෙමේ...:D:D

      "I dub thee Sir Knight." :D :D

      ඔන්න අද සිට, දොරකඩ ගහේ මූකලන් බස්සා, 'සෙර් බසුනයිට්' යන නමින්, නයිට්වරයෙක් බවට පත්වූ බව සකල ලෝක වාසීන්ටම මින් දැනුම් දෙන්නෙමු. :)


      Delete
    9. බස්සාට නයිට් පදවිය දෙන දවසට මටත් කියන්න , බස්සො දණගහනවා කවදාවත් දැකල නැහැ :)

      Delete
    10. ඔයා සමාරවිට Legend of the Guardians: The Owls of Ga'Hoole බැලුව නං බස්සෙක් දනගහනව බලාගන්න බැරිවෙන එකක් නෑ

      ප.ලි.
      බස්සා, ඔන්න මං උඹව ලාවට ගොඩ දැම්ම

      Delete
    11. ආන්න දැක්කද? ඕනයට විතරයි තේරුනෙ මයෙ අහිංසක කම.

      හැබැයි, මට නං ලේඩි ගරුසිංහව විස්වාස නෑ. දණ ගහනකං බලාඉන්නෙ, එතන කහඹිලියා අත්තක්වත් තියන්ට වෙන්ටෑ :)

      බස්සානයිට් නං හරියන්නෙ නෑ. බස්-තියං හොඳා, අර බර-තියං කියන වංසක්කාරයො වගේ.

      Delete
  9. කුලුබඩු පුෂ්පය? Spice Flower?
    Saffron ද?

    ReplyDelete
    Replies
    1. ඒක සුඝන්ධ/ සුවඳවත් පුෂ්පය කියලා වෙනස් වුනා නම් හරිනේද? වචන පරිවර්තනයේ දී නොසැලකිල්ල නිසා මා අතින් වුන වැරැද්දක්. වරද මගේය. :-)

      Delete
    2. ඒකනම් ටිකක් මදි නේද බූර උතුමාණනි, හුගක් පුෂ්ප සුවදයි.
      Saffron වලට නමක් නැද්ද?

      Delete
    3. එතන saffron කියලාම කියන්ට බැහැ ‍නේද? spiceflower perfume of the Dothraki plains කිවුවහම අපට ගන්ට වෙන්නෙ ඩොත්රැකි තැන්නේ වැවෙන විශේෂ සුවඳ මල් ජාතියක් කියලා තමා. ඩැනී යන්නෙ ඩොත්රැකි රජෙක් මුනගැහෙන්ට නිසා එයාට ගැලපෙන සුවඳ විලවුන් ඇඟ ගැල්වුවා වෙන්ට ඇති නේද?

      මෙතන ලොකුම ප්‍රශ්නෙ තියෙන්නෙ මාර්ටින් ලොක්කා හැමදෙයක්ම අලුතෙන් නිපදවලා තියෙන එකයි. ස්ථාන, මිනිස්සු විතරක් නෙවෙයි සත්තු, ගස්, මල්, බෙහෙත් ද්‍රව්‍ය හැම එකක්ම. :-)

      Delete
    4. ඒක ඇත්ත . එනිසා කරන්න තියෙන්නෙ Lord Bura සහ Lady Pod එකතුවෙලා අලුත් සින්හල වචනත් හදන එක.
      perfume වලටත් පාවිච්චි කරන කුලුබඩුවක් වන පුෂ්පය කිව්වහම saffron තමයි තියෙන්නෙ .
      Up to your Lordship and Ladyship ඒත් සුවදවත් පුෂ්පය නම් මදි

      Delete
    5. කුන්කුම = saffron

      Delete
    6. මෙයාලා මොන මොන කුළුබඩු පාවිච්චි කරනවද කියලා මාර්ටින් ලොක්කා අපට කියලා නෑ නෙවැ. අපි පාවිච්චි කරන ඒවම වෙන්ට ඕන නෑ ‍නේද? ගස් ජාති, මල් ජාති, බෙහෙත් ජාති වෙනස් වෙනවා නම් අනිත් දේත් වෙනස්වෙන්ට පුළුවන් කියලා උපකල්පනය කරමු. මේක මනඃකල්පිත ලෝකයක්නෙ. :-)

      Delete
    7. කුංකුම තමා saffron වලට හරියන නම... කුළු බඩු පුෂ්පයක් කිව්වමනං ඉතිං star anise වගේ එකක් ගන්ට වෙනවා... මරුවට හිටී පළඳං යනකොටනං... :D

      Delete
    8. ඩනේරිස්ට කුළු බඩු දාන එකේ, යහමින් ලුණු-ඇඹුල් එහෙමත් දාන්ට බුරෝ, ඈ? අම්මපා දැක්කත් කටට කෙල උනනවා :)

      ආ තව එකක්, ඔය "රණ තිසර තුඩු" වගේ වචන පාවිච්චි කරනව නං හොඳයි කියල හිතෙනවා. ව්‍යංගය කියන්නෙ හොරා කෑම වගේ රසවත් දෙයක් නෙව? බොරු නං ඔය හොරා කාපු බළලෙක්ගෙන් අහල බලන්ට:)

      Delete
    9. මාරයියේ .. ගොරකා දැම්මම මස් මෙලෙක් වෙනවදෑ ??? :D

      Delete
    10. ඔව්...ඔව්...හැබැයි දාලා තම්බන්ට ඕනිලු...:D

      Delete
  10. කුළුබඩු පුෂ්පය කියල පරිවර්තනය කලේ මොන මලක්ද බුරා?

    ReplyDelete
    Replies
    1. පො‍තේ තියෙන්නෙ නම් Spiceflower කියලයි හැලපෙ. පරිවර්තනයේ දී දෙවරක් සිතා නොබැලීම හා පසුව නැවත කියවා නොබැලීම නිසා වූ දෝශයක්. :-)

      Delete
    2. මට තුනපහ සුවඳක් දැනෙනවා දැනෙනවා වගේ :)

      Delete
  11. අයියට වඩා ඩැනීට යමක් කමක් තේරෙන පාටයි... අමතේස්ත වචනෙ දන ගත්තෙ අදයි. මං දැනගෙන හිටියෙ අඹතේස්ත කියල. තව ලස්සන වචන ටිකක් දැක්ක. Thank you :)

    ReplyDelete
    Replies
    1. අමතේස්ත/ අඹතේස්ත වචන දෙකම පාවිච්චි කරනවා නේද රන්වන්?

      නංගිලා කොහොමත් කට්ටයි නේ. ඉතින් ටක් ගාලා කුමන්ත්‍රණ තේරෙනවා. අහිංසක අයියලා ඔය වගේ ගැටවලට අහුවෙනවා වැඩියි. :-D

      Delete
  12. කියන්න වචනත් නැහැ , මේ කතාව නම් පුදුම ලස්සනයි ....

    ReplyDelete
  13. අද කොටස හොඳයි. ඊළඟට මොකක් වෙයිද කියලා හිතෙන තැනකින් අවසන් කිරීම තමයි කොටස් වශයෙන් යන කතාවක සාර්ථකත්වයේ රහස.

    ReplyDelete
    Replies
    1. බොහොම ස්තූතියි විචාරක!

      Delete
  14. දම්පාට ඇස් දෙකයි, රිදී කොණ්ඩෙයි මම මවා ගන්න උත්සාහ කලා.. ජීවිතේ පළවෙනි වතාවට ලා නිල් ඇස් දෙකක් නම් දැක්කා.. දම්පාට තාම නෑ.. බලමු...

    කතාව ආසාවෙන් බලාගෙන යනවා..

    ReplyDelete
    Replies
    1. මේකත් බලලා මවා ගන්ටකෝ එහෙනම්. ඩේනි මෙහෙම තමයි ඔන්න මට නම්
      http://melbourneer.com/wp-content/uploads/2013/10/Z0srapE.jpg

      Delete
    2. මම දන්න තරමින් ස්පැනිෂ් කෙල්ලන්ට දම් පාට ඇස් තියෙනවා දිනේශ්. පොඩ්ඩක් හොයලා බලන්ට.

      (පසුව සිදුවන අතුරු ආන්තරාවලට අප වග කියනු නොලැබේ!) :-D

      Delete
    3. හ්ම්.... ඩේනි? එක නං ඩැනී තරම් නරක නෑ. ඩැනී කිව්වම ඒකෙ කිසිම ගෑණු ගතියක් නෑ, නිකං සහයට ඩැනී වගේ.

      Delete
    4. ඔව් ඈ ඩැනිට වඩා ඩේනි කියන නම හොඳයි වගේ මටත් හිතෙනවා...:)

      Delete
    5. ඔයාලට කැමති නම් මෙහෙම නමුත් දාගත්තු හැකි.

      සුදු, රත්තරන්, මැණික, නිල් කැටේ, සූකිරි කැටේ, චූටි බබා, උක්කුන් බබා, කලු දොදොල්, පොල් කේක්....හී හී....

      Delete
    6. මමනං කැමතිම සුදු උක්කුං කියල කතා කරන්න එයැයිට

      Delete
  15. කෝ ඊලඟ එක හෙට දානවැයි?

    ReplyDelete
    Replies
    1. මේක නොසලකා හරින්න වෙයි සේර් බස්තියන්. මේක මේ පොඩ්ඩි මෙනෙවියගෙ ඉල්ලීමකට දාපු එකක් නෙව. කමෙන්ට් දාන්න බැරි කමක් තිබ්බය කිව්වේ මේකේ
      වැඩේ කියන්නෙ සේර් බස්තියන් මම මේක දැම්මම සුටුස් ගාල වැටුනා නෙව. අනිත් අයත් යස අගේට ඔය කොටල ගිහින් තියෙන්න.


      Delete
    2. හහ්, එහෙම කියල ලුහුටල යන්නද කල්පනාව? බුරා තමයි කිව්වෙ, දවසට එක ගානෙ ලියන්න කියන කස්ටියව, තාප්පෙන් එහා පැත්තට අතාරින්න කියල :)

      මට බෑ ට්‍රිප් දෙකතුනක් ගහන්න. මං මේ කස්ටිය එකතු කරනවා

      Delete
    3. @නිශ්

      සෙර් බූරා එහෙම කතාවක් කීව හන්දා ඔයාට කීවේ. thanks නිශ්. :)

      Delete
    4. ඇත්තද ?
      හා.............. :)

      යූ ආර් වෙල්කම්

      Delete
  16. මෙයින් මතු මෙම බ්ලොග් අඩවියේ ඇ‍නෝනිමස් කමෙන්ට්ස් දැමීමේ හැකියාව අහෝසි කරනු ලැබේ. මෙය පොදුවේ සියළු ඇනෝවන් කෙරෙහි සිදුකරන චෝදනාවක් නොවන අතර මානසික ආබාධයකින් හෙබි එක් පුද්ගලයකු ගේ ඇනෝ කමෙන්ට්ස් නිසා සිදු කරන්නකි. සියළු යහපත් ඇනෝවරු කමත්වා!

    පලි: මෝඩ ඇනෝවෙකු සමග ගැටීම පිණිස කාලය වැය කරනවාට වඩා ඒ කාලයත් කතාව පරිවර්තනය පිණිස යෙදවීම ප්‍රයෝජනවත් බව අපේ හැඟීමයි. :-)

    ReplyDelete
  17. Replies
    1. මෙයාව තාප්පෙන් එහාට විසි කරනකොට ටිකක් හිමින් විසි කරන්ට බස්සෝ...:D

      Delete
    2. අපොයි එහෙමත් කරනවාද? ආතල් එක නොකැඩෙන්න එයාව හිමීට අයිස් ගොඩක් උඩට බානව මිසක්කා. :)

      Delete
  18. ඩැනී

    ඔය ඇස් අමතක වෙන්න නම් - මගේ ඇස් පියවෙන්න වෙයි !!!!!!!!! :D

    ReplyDelete
    Replies
    1. ඒ කියන්නේ නිදාගත්තාම ඔයාට ඒ ඇස් අමතක වෙනවද? :D

      Delete
  19. අද කොටස හරිම ලස්සනයි.!
    සිය පරම්පරාව පිරිසුදුව තබාගැනිම සඳහා තම සොයුරු සොයුරියන් සමග විවාහ විම පුදුමයට පත් කරන කරුණක් මේ කොටසේ. ඉල්ලිරියෝගෙ යටි අරමුණක් ඇති කියලා හිතෙනවා.

    ReplyDelete
    Replies
    1. සොයුරු සොයුරියන් විවාහ වෙන එක ඉස්සර ඉන්දියාවේ රාජ පරම්පරාවල තිබුණු දෙයක්. වෙනත් අය එක්ක මිශ්ර වෙන්නේ නෑ කියන එක තමා ඒකෙන් කියන්නේ. තවත් පැතිවල මාමලාට පුලුවන් එයාලගේ ලේලිලා විවාහ කරගන්ට. ඒ කීවේ තමන්ගේ සහෝදරියගේ දුවව. පුදුම සිරිත් නේද?

      Delete


    2. දකුණු ඉන්දියාවෙ දෙමල මිනිස්සු අතරේ තාමත් තියෙනවා. මාමගෙ අයිතියක්ළු ලේලි විවාහ කරගන්න එක.. ඉතින් මොලයක් තියේද පරම්පරාවලට ?

      Delete
  20. කතාව ලියලා ඉවර උනදාට අයිනකට වෙලා මුල ඉඳන් නොකියවුවොත් නියම රසේ නෑ.. දෙන දෙන කෑලිත් කියවලා ආපහු කියවන්නත් වෙනවා.
    පහුවෙලා ආ හින්දා එකදිගට ගොඩක් කියවලා රසවින්දා..බනින්ට එපා ඔන්න ට කියලත් ලිව්වා.

    ReplyDelete
  21. ඉන්දියාවේ තිබුණු ශාක්‍ය වන්ශයෙත් බහුලව සහෝදර විවාහය සිදුවුණා. ශාක්‍යයො සිතුවෙ ඔවුන් තමයි පරිශුද්ධම ක්ෂත්‍රියයන් කියලා. එනිසා ඔවුන් තම කුලයෙන් පිට ස්ත්‍රීන් විවාහ කරගත්තෙ නැහැ, වෙනත් කුල වලට කුමරියන් දුන්නෙත් නැහැ. ( පුරාණ වල තියෙන්නෙත් ශාක්‍යයො චක්‍රවර්ති රජවරුන්ගෙන් එක දිගටම පැවත එනව කියලයි. ) කොසොල් රජ්ජුරුවන්ට බුදුහාමුදුරුවො එක්ක ඤාති කමක් හදා ගන්න ඉල්ලපු ශාක්‍ය කුමාරි වෙනුවට ඔහුට දුන්නේ වහලියක්. මේක නිසා ශාඛ්‍යයො අන්තිමේ සමූල ඝාතනය උණා.
    ඒත් ඉතුරු වෙච්ච ශාඛ්ය කුමාරයෙක් කාලින්ගයට පැනල ගියා එහේ මිනිස්සු තමන්ගේ රජ පවුල එලවලා ඒ කර්ණ පුරයේ රජ කම ඒ කුමාරයට දුන්නා. ඒත් මේ කුමාරයා ශාක්‍ය කුමරියක් හැර වෙන කෙනෙක් එක්ක විවාහ වෙන්න අකමැති උණා. මේ නිසා දෙවි වරු උතුරු කුරු දිවයිනෙන් බිසවක් ගෙනත් දුන්න. මේගොල්ලන්ගෙ පරම්පරාව තමයි ලම්බ කර්ණ වන්ශය. පස්සෙ මේ ලම්බකර්ණයො ලන්කාවටත් ඇවිත් සින්හල රජවරුන්ගෙන් නිල තල ලබාගත්තා. ක්‍රි ව 63 දි මොවුන් ලන්කාවෙ රජ කම අල්ල ගත්ත වසභ රජ්ජුරුවො ලන්කාවෙ රජ වුණා. තුන් පාරකට අවෘදු 1800ක් මොවුන් ලන්කාවෙ රජකම් කරා. අන්තිම සින්හල රජ්ජුරුවො වෙනකම්ම තිබුණෙ මේ රාජ වන්ශයයි.මේ ලම්බකර්ණයො දිග කන් , කුන්කිත කොණ්ඩෙ , නිල් ඇස් නිසා සාමාන්‍ය අයගෙන් ගොඩක් වෙනස් හරියට ටාගේරියන්ස්ලගෙ රිදී කොණ්ඩෙයි දම් ඇසුයි වගේ. මේ කතාව හදද්දි ගොඩක් පෙරදිග ආභාෂය අරගෙන තියෙනවා.

    ReplyDelete