Friday 4 July 2014

ඩ‍නේරිස් - 01-1


ඇගේ සොහොයුරා ගවොම ඉහළට කර ඔසවාගෙන සිටියේ ඇයට එය හොඳින් දැක ගත හැකි වනු පිණිසය. "මේක හරිම ලස්සනයි. එන්ට අල්ලලා බලන්ට ‍මේ රෙද්ද කොච්චර සිනිඳු ද කියලා."

ඩැනී එය අතගෑවාය. එය කෙතරම් සිනිඳු ද යත් ඇගේ අතැඟිලි අතරින් ලිස්සා ගියේ වතුර මෙනි. මෙතරම් සිනිඳු ඇඳුමක් ඈ මීට පෙර කිසිම දිනෙක ඇඳ නොසිටි අතර එය ඇයව බිය පත් කලේය. ඇය වහා තම අත පස්සට ඇද ගති. "මේක ඇත්තටම මට ද?"

"මැජිස්ටර් ඉල්ලීරියෝගෙන් තෑග්ගක්." විසේරිස් සිනාසෙමින් කීවේ ය. අද රෑ ඇගේ සොහොයුරා හොඳ මනෝභාවයකින් සිටී. "මේකෙ පාට නිසා ඔයාගෙ ඇස් දෙකේ දම් පාට තවත් තියුණු ‍වෙලා පේනවා. ඔයාට තව රත්තරන් මුතු මැණික් හෙමත් ලැ‍බෙයි. ඉල්ලීරි‍යෝ පොරොන්දු වුනා. අද රෑ ඔයා කුමාරියක් වගේ පේන්ට ඉන්ට ඕන."

කුමාරියක්! කුමාරියක් යනු කවරාකාරයේ කෙනෙකුදැයි ඇයට අමතක වී ‍ගොසිනි. සමහරවිට ඇය එවැන්නක් කිසිදා නොදැන ඉන්නට ඇත. "ඇයි එයා මෙච්චර දේවල් ගොඩක් අපට දෙන්නෙ? එයා මොනවද අපෙන් බලාපොරොත්තු වෙන්නෙ?" ඇය ඇසුවාය. වසර බාගයකට වඩා මඳක් වැඩි කාලයක් තිස්සේ ඔවුහු ඉල්ලීරියෝගේ නිවසේ ජීවත්වෙමින් ඔහුගේ ආගන්තුක සත්කාර භුක්ති විඳිති. නමුදු පෙන්ටොස් නම් වූ මේ නිදහස් නගරයේ එවැනි තෑගි කිසිදු මිලක් ‍හෝ යටි අදහසක් හෝ නොමැතිව නොපැමිණෙන බව තේරුම් ගැනීමට තරම් වසර දහතුනක් වයස් වූ ඩැනී මෝරා සිටියා ය.

"ඉල්ලීරියෝ මෝඩයෙක් නෙවෙයි." විසේරිස් කීය. ඔහු ඇවිස්සුනු එළ නිල් පැහැ දෑසකින් හා ස්නායු කම්පිත දෑතකින් හෙබි කෙට්ටු තරුණයෙකි. "මැජිස්ටර් දන්නවා සිංහාසනේට නැග්ගට පස්සෙ මං මගෙ යාළුවො අමතක කරන ජාති‍යෙ කෙනෙක් නෙවෙයි කියලා."

ඩැනී කිසිත් කීවේ නැත. මැජිස්ටර් ඉල්ලීරියෝ යනු කුළුබඩු, මුතු මැණික්, මකර අස්ථි සහ තවත් නොයෙකුත් දෑ වෙළෙඳාම් කරන්නෙකි‍. කට කතාවලට අනුව නම්, ඔහුට නිදහස් නගර නවයේමත්, ඊට එපිටින් වූ වයෙස් ඩොත්රැක් හා ජේඩ් මුහුද අසබඩ ප්‍රදේශවල පවා මිතුරෝ සිටිති. එලෙසම කට කතාවලට අනුව, නියම මිල පැමිණි විට බොහොම කැමැත්තෙන් විකුණා නොදැමුනු මිතුරෙකුද ඔහුට කෙදිනකවත් නොසිටියේ ය. වීදි වල කෙරෙන කට කතා වලට ඩැනී සවන් දී තිබුනු අතර ඇය මෙවැනි දේ අසා තිබිණි. නමුත් තම සොහොයුරා සිහින ලෝකයේ සැරිසරන මෙවැනි වේලාවට එවැනි අනවශ්‍ය දේ පවසා ඔහුත් සමග වාද ‍නොකිරීමට තරම් ඩැනී ඔහුව තේරුම් ගෙන සිටියා ය. අවදි වුනු විට ඔහු ගේ කෝපය තරම් නරක තවත් දෙයක් නැත. විසේරිස් එයට කීවේ 'මකරා ගේ අවදිවීම' යනුවෙනි.

ඇගේ ‍සොහොයුරා ගවොම දොර පසෙකින් එල්ලුවේ ය. "ඉල්ලීරියෝ වහල්ලු එවයි ඔයාව නාවන්ට. ඔය ඉස්තාල ගඳ නැති කරගන්ට වග බලාගන්ට. ඛාල් ඩ්‍රෝගෝ ට අශ්වයො දාස් ගානක් ඉන්නවා. එයා අද රෑට බලාපොරොත්තු වෙන්නෙ වෙනස් විදියේ වෙළඹක්." ඔහු ඇයව තියුණු ලෙස නිරීක්ෂණය කලේ ය. "ඔයා මොකද ඔය තාමත් උරහිස් එල්ලන් ඉන්නෙ? කෙලින් හිටගන්නවා." ඔහු තම දෑතින් ඇගේ උරහිස් පිටුපසට තල්ලු කලේ ය. "එයාලට පෙන්නන්ට ඔයා දැන් ගෑනියෙක් කියලා." ඇගේ වැඩෙන ළැම මතින් යාන්තමට ඇදී ගිය ඔහුගේ අතැඟිලි පයෝධර තුඩක් මත නතර විය. "හොඳින් මතක තියා ගන්ට ඔයා අද රෑ මාව අසමත් කරන්ට එපා. ඔයා එහෙම කලොත් ඒක ඔයාට බොහොම නරකට බලපාවි. ඔයාට මකරව නැගිට්ටවන්ට ඕන නෑ නේද?" ඔහු ඇඟිලි තදින් තෙරපූ අතර ඒ කෙනිත්තීම ඇගේ උඩු කබාය හරහා ඇයව කුරිරු ලෙස රිදවී ය. "ඔවුද නැද්ද?" ඔහු නැවතත් ඇසුවේ ය.

"නෑ." ඩැනී යටහත් පහත් ලෙස පිළිතුරු දුන්නා ය.

ඇගේ සොහොයුරා සිනාසුනි. "බොහොම හොඳයි. මතක තියාගන්ට මගේ ලස්සන නංගි, එයාලා මගේ රාජ්‍ය කාලය ගැන ඉතිහාසය ලියද්දි එයාලා කියයි අද රැයින් තමා ඒක පටන් ගත්තෙ කියලා."

ඔහු පිටව ගිය පසු තම කාමරයේ ජනේලය වෙත ගිය ඩැනී උකටලී ලෙසින් මුහුද බොක්ක දෙස බලා සිටින්නට විය. පෙන්ටොස් හි ගඩොලින් තැනුනු හතරැස් කුළුණු බැස යන හිරු පසුබිමේ කළු පැහැ ඡායා මෙන් දිස් විය. සිය නිශා ගින්න දල්වන රතු පූජකයින් ගේ ගීතිකා ගායනාවන් හා වැරහැලි ඇඳගත් කුඩා ළමුන් වීදියේ ක්‍රීඩා කරමින් නගන ‍ඝෝෂාවත් ඩැනී ට ඇසුණි. නිරුවත් දෙපයින් හා වැරහැලි දැවටුනු ගතින් යුතුව ඔවුන් හා එක්වීමට ඇත්නම් කියා එක් මොහොතකට ඇය ප්‍රාර්ථනා කලා ය. අතීතයක් හෝ අනාගතයක් හෝ නැති, ඛාල් ඩ්‍රෝගෝ ගේ මන්දිරයේ භෝජන සංග්‍රහවලට සහභාගි වීමට නැති නිදහස් ජීවිතයක්!

බසින ඉරට එහා පටු මුහුදෙන් එතෙර කොහේ හෝ තැනක කොළ පැහැ හෙල් හා මලින් වැසී ගිය තැනිතලා හා විසල් ගංගාවන් ගහන, විභූතිමත් අඳුරු නිල් පැහැ කඳු අත‍රේ අහස උසට නැගුනු බලකොටුවලින් ගැවසීගත්, සන්නාහයෙන් සැරසී සිය වංශාධිපතියාගේ ධජය සෙව‍ණේ යුදට යන නයිට්වරුන්ගෙන් පිරුණු සුන්දර දේශයක් ඇත. ඩොත්රැකිවරු එය රයෙෂ් අන්දාලි හෙවත් අන්දාල්වරුන්ගේ දේශය කියා හැඳින්වූහ. නිදහස් නගරවල මිනිස්සු වෙස්ටෙ‍රෝස් හා හිරු බසින රාජධානි ගැන කතා කීහ. ඇගේ සොහොයුරා එය හැඳින්වූයේ 'අ‍පේ භූමිය' යන සරල නමෙනි. "අපේ ලේ උරුමය. සටකපටි කමෙන් අපෙන් උදුරගත්තු අපේ උරුමය. ඒත් ඒක තාමත් අපටයි අයිති. ඒක හැමදාමත් අපටයි අයිති. කෙනෙකුට මකරුන්ගෙන් හොරකං කරන්ට බෑ. මකරුන්ට හැම දෙයක්ම මතක තියෙනවා." ඔහු කියන්නට පුරුදුව සිටියේ ය.

සමහරවිට මකරාට එය මතක ඇති, එනමුත් ඩැනීට ඒ කිසිවක් මතක නැත. සිය සොයුරා මේ කියන 'අපේ භූමිය' හෝ පටු මුහුදෙන් එතෙර රාජධානිය ඇය කිසිදා දැක නැත. කාර්ස්ටලී රොක් සහ ඉයරී, හයිගාර්ඩ්න් සහ ඒරින් මිටියාවත, ඩෝර්න් සහ මුහුණු දූපත, මේවා ඇයට නිකංම නිකං හිස් වචන ගොඩක් පමණි. කැරැලිකාර හමුදාවල ආගමනය හමුවේ ඔවුන් කින්ග්ස් ලෑන්ඩින්ග්වලින් පලා එද්දී විසේරිස් අට හැවිරිදි වූ අතර ඩනේරිස් ඇගේ මවගේ කුසේ වැඩෙන කලළයක් විය.

නමුත් ඇගේ සොහොයුරා බොහෝ විට ඇයට කියා ඇති විස්තර ඔස්සේ ඇය චිත්ත රූප මවාගන්නට පුරුදුව සිටියා ය. මැදියම් රැයේ ඩ්‍රැගන්ස්ටෝන් කරා පලා යෑම, නැවේ කළු පැහැ රුවල් මත සඳ එළිය වැටී දිලිසුණු සැටි. ඇගේ ‍වැඩිමහලු සොහොයුරා රේගාර් ටාර්ගේරියන්, ගංගා ත්‍රිශූලයේ රුධිරයෙන් නැහැවී ගිය දිය කඳ මැද්දේ 'රාජ්‍යය පැහැර ගත් එකා' හා සටන් වැද තමා ආදරය කල කාන්තාව වෙනුවෙන් දිවි පිදූ සැටි. විසේරිස් විසින් 'රාජ්‍යය පැහැර ගත් එකාගේ බල්ලන්' යනුවෙන් හඳුන්වන ලැනිස්ටර් හා ස්ටාර්ක් වංශාධිපතියන් විසින් කින්ග්ස් ලෑන්ඩින්ග් කොල්ල කෑ සැටි. රේගාර් ගේ උරුමක්කරු වූ කුඩා කුමරුවා ඇගේ තුරුළින් උදුරාගෙන ඇගේ දෑස් ඉදිරියේ මරා දමද්දී ඩෝර්න් හි ඊලියා කුමරිය හඬා වැටුනු සැටි. සිහසුන් කාමරයේ දී රජුන්මරන්නා විසින් සිය රන්වන් අසිපතෙන් ඇගේ පියා ගේ බොටුව සිඳ දැමූ සැටි.

ඔවුන් ගේ පලායාමෙන් මාස නවයකට පසු ගිම්හාන කුණාටුවක් විසින් ඩ්‍රැගන්ස්ටෝන් දූපත උඩුයටිකුරු කිරීමට තැත් කරන අතරතුරේ දී ඇය මෙලොව එළිය දුටුවා ය. කුණාටුව කෙතරම් බලවත් වීද යත් ටාර්ගේරියන් නාවික බලඇණිය වරායේ නවත්වා තිබියදීම සම්පූර්ණයෙන්ම මුහුදුබත් විය. දරු උපතේ දී ඇගේ මව මෙලොව හැර ගිය අතර විසේරිස් ඒ වෙනුවෙන් ඇයට කිසිදා සමාව නොදුනි.

ඇයට ඩ්‍රැගන්ස්ටෝන් ගැන පවා හරිහමන් මතකයක් නැත. රාජ්‍යය පැහැර ගත්තා ගේ සොහොයුරා අලුතෙන් මුහුදු බට සිය නැවු කණ්ඩායමත් සමග දූපත වටලෑමට පෙර ඔවුන්ට එයින්ද පලා ඒමට සිදු විය. වරෙක ඔවුන්ට අයත් ව තිබූ රාජධානි සප්තකයෙන් ඒ වනවිට ඉතිරිව තිබුනේ ඩ්‍රැගන්ස්ටෝන් - ඔවුන්ගේ වංශයේ පෞරාණික මුල් බිම - පමණක් වූ නමුදු එයද වැඩි කලක් ඔවුන් අත රැඳුනේ නැත. බලකොටුවේ ආරක්ෂක භට කණ්ඩායම විසින් ඔවුන්ව මුදලට සතුරාට පාවා දීමට සැලසුම් සැකසෙමින් තිබින. එනමුදු එක් රැයක සෙර් විලෙම් ඩැරී හා තවත් පක්ෂපාතී පුද්ගලයන් සිවුදෙනෙකු රහසේම ඔවුන් දෙදෙනා හා ඔවුන්ගේ කිරි මව ද රැගෙන පලා ගියේ බ්‍රාවෝසියානු මුහුදු වෙරළේ රැකවරණය පතමිනි.

ඇයට සෙර් විලෙම් ගැන මීදුමක් වැනි මතකයක් තිබේ. දෑස් අඩක් නොපෙනෙනමුත් සිය ‍ලෙඩ ඇඳේ සිට මහහඬින් ගොරවමින් අන්‍යයන්ට විධාන නිකුත් කල වලසෙක් වැනි දැවැන්ත මිනිසා ඇයට යාන්තමින් මතකය. ඔහු සිය සේවකයින්ට බෙහෙවින් සැරපරුෂ වුවද ඩැනීට අතිශයින් කරුනාවන්ත විය. ඔහු නිතරම ඇය ඇමතූයේ 'පුංචි කුමාරි' නැතහොත් 'මගේ ආර්යාව' වැනි නම් වලිනි. ඒ ඔවුන් බ්‍රාවෝස් වල රතු දොරක් සහිත විසල් නිවසේ පදිංචිව සිටි කාලය යි‍. එහි ඩැනීට ඇගේම කියා කාමරයක් පවා තිබිනි. සෙර් වි‍ලෙම් මියගිය පසු ඔවුන් සතුව ඉතිරිව තිබූ සුළු මුදලත් සේවකයින් විසින් සොරකම් කරන ලද අතර වැඩි කලක් යන්නට මත්තෙන් ඔවුන්ව එම නිවසින් පලවා හැරිනි. එම රතු දොර ඔවුන් වෙනුවෙන් සදහටම වැසුනු දවසේ ඩැනී හැඬුවා ය. එදා පටන් ඔවුන් ගෙවූයේ අහිගුණ්ඨික දිවියකි. බ්‍රාවෝස් සිට ම(ර්) දක්වාත්, ම(ර්) සිට ටයිරෝෂ් දක්වාත්,එතැන් සිට කොහෝර් සහ වොලන්ටිස් සහ ලයිස් දක්වාත් ඔවුන් ගමන් කලේ ඒ කිසිදු තැනෙක වැඩි කලක් නොරැඳෙමිනි. ඇයගේ සොහොයුරා එ‍සේ කලේ රාජ්‍යය පැහැර ගත්තා ‍ගේ කුලියට මිනී මරන්නන් ඔවුන් පසු පස එති යි යන තර්කය පදනම් කර ගනිමිනි.

මුලදී නම් මැජිස්ටර්වරුනුත්, වෙළෙඳ කුමාරවරුනුත් අනෙකුත් නගර නායකයනුත් ටාර්ගේරියන් වංශයේ අවසාන සාමාජිකයින් දෙදෙනාව තම නිවෙස්වල ආගන්තුක සත්කාරයට කැඳවීමට පසුබට වූයේ නැත. නමුත් වසර ගනන් ගෙවී යද්දී, රාජ්‍යය පැහැර ගත්තා තම සිහසු‍නේ තව තවත් තැන්පත් වෙද්දී මේ දොරවල් එකින් එක වැසී යන්නට වූ අතර ඔවුන් ගේ ජීවිත ක්‍රමයෙන් දුෂ්කර වන්නට විය. වසර කිහිපයකට පෙර ඔවුන්ට තමා සතු අවසාන වස්තු කිහිපය පවා විකුණා දමන්නට සිදු විය. මේ වන විට සිය මවගේ කිරුළ විකුණා ලද මුදල් පවා සියල්ල සිඳී ගොසිනි. පෙන්ටොස්වල මුඩුක්කු, පටු මං හා වයින් සාප්පු වල ඇගේ සොහොයුරා හැඳින්වෙන්නේ 'හිඟන රජා' යනුවෙන් බව ඩැනී දනියි. ඔවුන් ඇයව අමතන්නේ කෙසේදැයි දැනගැනීමටවත් උවමනාවක් ඩැනී ට නැත.

"අපි දවසක ඒ ඔක්කොම ආපහු ගන්නවා මගේ නංගී." ඔහු ඇයට පොරොන්දු විය. "රත්තරන්, මුතු මැණික්, ‍සේද, ඩ්‍රැගන්ස්ටෝන්, කින්ග්ස් ලෑන්ඩින්ග්, යකඩ සිංහාසනය, රාජධානි සප්තකය. අපෙන් ගත්ත මේ හැම දෙයක්ම අපි ආපහු ගන්නවා." විසේරිස් ජීවත් වූයේ ඒ දවස වෙනුවෙනි. ඩනේරිස්ට උවමනා වූ එකම දෙය නම් රතු දොරක් සහිත අර විසල් නිවසත්, ඇගේ කාමරයේ ජනේලයට පිටතින් තිබුනු ලෙමන් ගසත්, ඇයට අහිමිව ගිය ළමා කාලයත් පමණි.


Viserys Targaryen: "When they write the history of my reign, sweet sister, they will say that it began tonight."

91 comments:

  1. කතාව බලද්දි මේ කාගෙ කවුද කියල දැනගන්න වෙන්නෙ එහෙං මෙහෙන් කියවෙන කෑලි අල්ලගෙනනෙ. මෙහෙම කියවනකොට තමා හරියටම තේරෙන්නෙ :)
    කාල් මට නිකන් බාල් වගෙයි කියවෙන්නෙ :P

    ReplyDelete
    Replies
    1. කොහොමත් ෆිල්ම් එකක් බලද්දීට වඩා ‍පොතක් කියවද්දී කතාව පැහැදිලියි නේද? ෆිල්ම් එකකදී සිදුවීම් වලට මිසක් අමතර විස්තරවලට එච්චර තැනක් දෙන්නෙ නෑ නෙ.

      Delete
  2. Replies
    1. මූව යවන්ට ඕනෙ ප්‍රාකාරෙන් එහාට.

      Delete
    2. අර වෘකයෝ ඉන්න දිහාවටම දාන්න...

      Delete
  3. බාල් ද කාල් ද කාල් නං නිකං කයන්න වෙන්න ඕනෑ.

    ReplyDelete
    Replies
    1. Khal කියන්නෙ ඩොත්රාකි රජා ඒක Carl නෙමෙයි

      Delete
    2. a khal is a leader of a khalasar.absolute ruler (until they can show strength )

      Delete
    3. මෙතන ඛාල් කියන්නෙ තනතුරක් හැලපෙ. හරියට ඛාන් වගේ. :-)

      Delete
  4. ඩැනේරිස් කිව්වාම නං මට මතක් වුනේ අපේ ගමේ ගුනේරිස්, එයත් හොඳ මතක හිටින් චරිතයක් තමා,

    මේ තාම පෙරහැරේ කසකාරයො ටික විතරයි නෙව - එළිවෙන ජාමෙට හොඳ, හොඳ සෙල්ලං

    සහසික සිනමාව කියන්නෙ මේ වගෙ එව්වට වෙන්ටෑ. කියෙව්වාම නිකං ඇඟට උණ වගේ, ඒත් අබිං කාපු එකා වගේ කොච්චෝරවත් කැරකිල එන්නෙත් මේක කියවන්නම තමා :(

    ReplyDelete
    Replies
    1. ඒත් අබිං කාපු එකා වගේ කොච්චෝරවත් කැරකිල එන්නෙත් මේක කියවන්නම තමා :(

      ++++++++++++++++++++++++++++

      Nish

      Delete
    2. හුහ් ඉන්නවකො බස්සො මම අල්ලගන්නව වෙලාවක , ඊට පස්සෙ හොඳ වැඩක් කරනව මට හිනාවෙනවට :)

      මට හිනාවෙන්න එන්න එපා , මං පැවතගෙන එන්නේ රහස් ඔත්තුසේවා පරම්පරාවකින් හොඳේ....

      Delete
    3. @ බස්සා,

      උඹ මෙයැයිට වැරැදි ගරු නාමෙනෙ දීලා තියෙන්නෙ. කියන්ට තිබ්බෙ Lady Olena හෙවත් Queen of Thorns කියලා. ඇයි ඉතිං කොච්චෝරවත් කටුඅත්ත ව‍ගේ උඹත් එක්ක පැටලෙන්ටමනෙ එන්නෙ. ;-)

      Delete
  5. දැනට ආපු අයගෙන් මං කැමති ඩනේරිස්ට තමා.. හැක්

    ReplyDelete
    Replies
    1. මාත් ආසයි, ඒත් බයයි. පොඩ්ඩ බැරිවෙච්ච ගමන් අර මකර තඩියට කියවලා පුච්චල මරෝනව නෙව?

      මාජරින් නං එහෙම නෑ, නේද බුරෝ? :)

      Delete
    2. අනේ සීදේවි කෙලි පොඩ්ඩ :D

      Delete
    3. ඩනේරිස් සීදේවී ව‍ගේ හිටියට හරි භයංකාරයි. :-D

      Delete
    4. මං සුවේරිස් නිසා කිසි බයක් නෑ ඒ ගැන.. හැක්

      Delete
    5. මාත් මේ බලන් ඉන්නෙ මෙයාලගෙ " මාජරීන් " එනකන් තමා

      Delete
    6. @කසුන්,

      'අනේ සීදේවි කෙලි පොඩ්ඩ' ඩනේරිස්? මාජරින්? පොඩ්ඩි? :D:D

      Delete
    7. All of them, lady poddi more than others :D and sansa too.
      මාජරින් නම් ඒ හැටි සීදේවි ගතියක් නෑ පොතේ. but in TV Show, OMG. right ගයිස්?

      බට් අයි ලයික් Missandei most of all. (In Tv show of course) and danys maids :D

      හූ ඩූ යූ ලයික් පොඩ්ඩි ?
      jon, robb, jamie............... ?

      Delete
    8. @ Kasun,

      Jon Snow….Jon Snow…Jon Snow….
      He is simply perfect…simply WOW :D

      Delete
    9. @ poddi

      BUT HE KNOWS NOTHING :D

      Delete
  6. බ්ලොග් ලිවිල්ල කියවිල්ල අතෑරලා දාලා තියෙන කාලෙක මෙන්න මෙයා ආයෙ ඒකට ඇඳලා ගන්න යනවා.. :3

    ReplyDelete
    Replies
    1. ඒ කියන්නෙ අපේ කාර්යය සාර්ථකයි! :-)

      Delete
    2. බුරා
      ++++++++++++++++++++++++++++++

      Delete
  7. අයියාගේ උවමනාව සහ රාජ්‍ය ලෝභය වෙනුවෙන් නංගි පාවා දීම.. ගොඩාක් රජ කතා වල මේ වගේ සිද්ධි දකින්න පුළුවන්..

    ReplyDelete
    Replies
    1. ඉතිහාසයේ හැමදාමත් වගේ.

      Delete
  8. හරි අපුරුයි බුරන් උතුමාණෙනි,පොඩ්ඩි ආර්යාවනි.දවසේ වැඩ කටයුතු අරබන්නට මත්තෙන් රස වින්දෙමි....:)

    ReplyDelete
    Replies
    1. ස්තූතියි මනෝජ් හැමදාමත් ඇවිත් මේ දෙන දිරියට!

      Delete
  9. වේගේ වැඩියි වගේද? දිග පරිඡේද හුඟක්ම කොට කරන්න හදන්න එපා. වාක්‍ය කෙටි කරන්න පුලුවන්නම් පාඨක අවධානය තවත් වැඩිවෙයි. නමුත් ඒ වැඩේ හිතන තරම් ලේසි නැතිබවත් මම දන්නවා. දෙන්නම එකතුවෙලා උත්සාහ කර බලන්න.

    ReplyDelete
    Replies
    1. තවත් උත්සාහ කරන්නම් විචාරක. මේ පරිච්ඡේදය තුනට කඩලයි තියෙන්නෙ. පරිච්ඡේද හැත්තෑතුනක් තියෙනවා සම්පූර්ණයෙන්ම. මෙහෙම වේගෙන් නොගියොත් කවදා ඉවර කරන්ට ලැබෙයිද මන්දා! :-)

      Delete
  10. ok its nitpicking time :D

    Daenerys - ඩෙනේරිස්
    illyrio- ඉලේරියෝ
    myr - මියර්

    හිඟන රජා, රාජධානි සප්තකය excellently done.
    have some doubts about යකඩ සිංහාසනය though.

    ReplyDelete
    Replies
    1. I've picked some more nits further down., hoping any fury (B&P, this is the meaning of "fury" most suited to House Baratheon, I think) coming your way from the noble translators will not seep down.

      Delete
    2. ඩනේරිස් කියන එක කියන්නෙ Closed 'ඩ'යන්නක් එක්ක නේද? හරියට 'කඩය' කියන තැන ඩයන්න වගේ.

      Delete
    3. @ කසුන්,

      කාර්ස්ටලී රොක් ඔන්න හැදුවා. ස්තූතියි! :-)

      Delete
    4. Ya it seems to be Duh naerys. gt it from here http://gameofthrones.wikia.com/wiki/Pronunciation_guide

      Delete
    5. මම ඔතැන තමා මුලින්ම බැලුවෙ. ඊට පස්සෙ audiobook එකත් එක්ක double check කලා. ස්තූතියි කසුන්!

      Delete
  11. හොඳා හොඳා පොඩ්ඩි මෙනෙවිය සහ සේර් බුරතීනෝ අනික් සියලුම වැඩ නවතා මේක ලිවිය යුතු බවට මම යෝජනා කරනව.:D

    ReplyDelete
    Replies
    1. ඒක පොඩ්ඩි ආර්යාව විය යුතුයි සෙර් නිශ්! නැත්තං එතුමිය උදහස් වෙයිද දන්නෑ. ;-)

      බොලා මාසෙ පඩියක් ගෙවනවානං අපට පුළුවන් එහෙම කරන්ට. එහෙම නැත්තං මේ ලැබෙන කමෙන්ට්ස් හා හිට්ස් ටික සල්ලි කරගන්ට පුළුවන් ක්‍රමයක් ති‍යේනං ඒත් කමක් නෑ. :-D

      Delete
  12. අනේ මට මේ කතාව එකදිගටම කියවගෙන යන්න තියෙනව නම්........

    ඒ තරම්ම රසවත්.

    ReplyDelete
    Replies
    1. මොකෝ බැරි ඔයා මේක කියවන එක නතරකරල දාන්න
      ඊටපස්සෙ අර රහස් ඔත්තු සෙවා පරම්පරාවේ හැකියාවන් යොදාගෙන මේක ලියල ඉවර කරපු දවස හොයා ගන්න.

      ඊට පස්සේ පටාන් ගන්න කියවන්න....:P

      Delete
    2. එහෙම නැත්තම් අනිත් කොටස දානකල් මේ කොටස ආයේ ආයේ කියව කියව ඉන්න... එතකොට කතාව ඉවරවෙද්දී එක දිගටම කියවගෙන ගිහින්...

      Delete
    3. @ සොන්යා.

      ඔන්න, ඔයාට options දෙකක්ම දීලා තියෙනවා. කැමැති එකක් තෝරගන්ට. :-)

      Delete
    4. අලුත් කොටසක් දානතුරු දැන් තියෙන කොටස් බල බල තමා ඉන්නෙ .. :(

      Delete
  13. කැන්ඩියන් "ට" වෙස්ටෙරෝස් අයට තියල පිටරට අය "න" පාවිච්චි කලොත් මාටින්ගේ කතාවටත් ඉම්පෘව්මන්ට් එකක් නේද? වැඩිය ඉන්නෙ වෙස්ටෙරෝස් චරිත නිසා Lady Podට ඇතිවෙන්න "ට" පුලුවන්නෙ කොහොමත්.

    අර එල්ලල තියන පවුල්/චරිත විස්තර හුගක් හොදයි එක දෙයක් හැර- බැරතියන් ආදර්ශ පාඨය "වියරුව අපගේය" = ours is the fury නේ?
    Fury වලට එක සින්හල වචනයක් "වියරුව" වුනාට House Baratheon (සින්හල දැනගෙන හිටියනම්) ඒ සින්හල වචනෙනම් පාවිච්චි කරන එකක් නෑනේ? ( Aerys II අන්තිම කාලෙ පුද්ගලික පාඨයට නම් ගනී :-D)

    Your Lordship and Ladyship ගැත්තාට සමාවෙන්න ඕනැ. ඔබතුමාලගෙ පරිවර්තනයෙ හොඳ
    දේවල් ඉතා වැඩියි අඩුපාඩු ඉතා අඩුයි. එනිසා හොඳ ගැන කතා කරනවට වඩා ලේසියි තියන අඩුපාඩු ස්වල්පය පෙන්නන එක.

    ReplyDelete
    Replies
    1. Fury = වියරුව, ක්‍රෝධය, දැඩි කෝපය, උන්මාදය

      උන්මාදය කිවුවොත් නිකං පිස්සු වගේ නේද? ක්‍රෝධය ගැලපෙන්නෙත් නෑ. 'කෝපය අපගේය' කිවුවහම නිකං 'කෝප්පය අප‍ගේය' කියලා හිතෙනවා. :-)

      වියරුව කියන්නෙ දැඩි කෝප‍යේ හා උන්මාදයේ මිශ්‍රනයක් සහ ඒ දෙක අතරමැදි අවස්ථාවක් නේද? හිතන්ට වෙඩි කාලා තුවාල වුන ගෝනෙක් ඉන්නෙ වියරුවෙන්.

      Delete
    2. I beg to differ Lord B.
      මන් හිතන්නෙ නැහැ සින්හල ඩික්ශනරියෙ තියන වචනවලින්ම ඕක ගන්න ඕනැ කි‍යල. Rampant අන් ඇති මුවෙක් / ගෝනෙක් බැරතියන් ලාන්චනය තමයි. ඒත් මට හිතෙන විදිහට "වියරුව" හරියන්නෙ නෑ වගෙ. ඕක fierceness දක්වන එකක් කියල හිතෙන්නෙ නැද්ද? "අපි හරි සැරයි" කියන එක එන්න ඕනැ තැනට 'වියරුව" දැම්මකම "අපිට පිස්සු" වගේ තේරුමක් එනව වගේ.

      මට පිස්සු හින්දද දන්නෙත් නෑ :-D

      Delete
    3. සමහරවිට වංශය පිහිටවපු ඔරිස් බරතියන්ට පිස්සුවක් තිබුනද දන්නෙ නෑ නෙවැ. :-D

      Delete
    4. දැන් මේ "fury " වලට තනි හිංගල වචනයක් නැති නිසා මං යෝජනා කරනවා

      " අම්ම ගහයි බැට් එකෙන්" කියන එක. බුරෝ, ඒක සැන්ටර් කරල, අර අං දිග ගෝනගෙ යටින්ම දාන්ට, ඈ.

      තව ඒ වගේ අමාරු තැන් තියනව නං " කියන්ට", මං හන්දියෙ ‍ටුක්-‍ටුක් මල්ලිගෙන් අහල කියඤ්ඤං

      Delete
  14. Replies
    1. ස්තූතියි ස්තූතියි!

      Delete
  15. සිරියාවයි නේ..?

    ReplyDelete
    Replies
    1. එහෙමෙයි? ;-)

      Delete
    2. @බීටලේ,

      'සිරියාවයිනේ...' ඩනේරිස් ද? පොඩ්ඩිද? :D:D

      Delete
    3. @පොඩ්ඩි

      ඔයා අනේ... ඔය ඉස්තාල ගඳ ගහන කෙල්ලන්ව ගනන් ගන්නෙ කවුද..? :D

      Delete
  16. ස්තූතියි නලින්!

    ReplyDelete
  17. අපෝ.. අද තමයි මං ඔය කතාවේ වීඩියෝ ක්ලිප් එකක් හරි මුලින්ම බැළුවේ.. සිකේයියා.. හරි වල් කෑලිනේ පෙන්නුවේ.. මං එකක් දන්නවා මෙව්වා බලලා අන්තිමට මේ මල් වගේ ඉන්න අපි නරක් වෙනවා.. ඔව් ඔව්... :D

    ReplyDelete
    Replies
    1. මාරයියෙ.. කියවන්ඩ මං හරි කම්මැලියි අනේ. වීඩියෝ ක්ලිප් එකේ ලින්ක් එක දාපං රත්තරන් :D

      Delete
    2. සික් ඉතරක්... උඹලටත් නරක් වෙන්න තියේනං වෙන මොන මගුලක්වත් ඕන නැහැ නේද..? :D :D :D

      ඔන්න පස්සේ මං කිව්වේ නැහැ කියලනං කියන්න එපා ඈ...

      https://www.youtube.com/watch?v=2OB5XIxmU1M

      Delete
    3. අයියල උනාම ඕං ඔහොම මල්ලිලව යහ මඟට ගන්ඩ ඕනෑ .. ඕව පිං අතේ වැඩ :D

      Delete
    4. අයියලට හොදනම් මල්ලිලා බැළුවම මොකෝ.. මාත් බලනවා..

      Delete
    5. අන්න අයියලා .... තැනකුයි මාරේ

      Delete
  18. බලය සහ සහෝදරකම !!!

    චැහ් .. නංගිල ඉන්න උන්ට නංගිල අගේ නැති හැටියක් අම්මපා !! ඕං ඕකනෙ මං අහල පහල නංගිලව හුරතල් කොරන්ඩ ගියෙ. . :D මේ ලෝකෙ හරි කුරිරුයි අප්පා .හැක්

    ReplyDelete
    Replies
    1. මේ වගේ අයියා කෙනෙක් ලඟ ගෙදරක ඉන්නවා නම් කොච්චර වාසනාවක්ද? :D

      Delete
  19. හරි සස්සන ගෑල්ලමයා නේ..

    බල අරගලයට අහු උනාම මිනිස්සු සෑහෙන්න දේවල් කරනවනේ...

    ReplyDelete
    Replies
    1. කෙල්ලෙක්ගේ ෆොටෝ එකක් දැම්මා විතරයි ඇවිත් තියෙන කොල්ලෝ ගොඩ....:)

      Delete
  20. හාහ් හාහ් හා මමත් අරවිදිහේ ගවුමක් අරන් ඉන්නේ තෑගීදෙන්න :P

    ReplyDelete
    Replies
    1. නෑ ඔයාට .. එවන්නද .ගෙනත් දෙන්නද?

      Delete
    2. මං ඒ පැත්තට කොහොමත් යනවා.දියං මම දීගෙන යන්නං :D

      Delete
    3. නියම අදහසක්...:D

      Delete
  21. පස්ට...
    ඉතුරු ටිකත් එනකං

    ReplyDelete
  22. බලය වෙනුවෙන් මිනිස්සු කොච්චර දේවල් කරනවද කියල හොඳටම දැනුනේ මේ සීරිස්‌ එක බලද්දී.
    දැන් ඉතින් ඉන්න එපැයි ලබන අප්‍රේල් වෙනකල් :/
    මයි ලේඩි ඇන්ඩ් සෙර් සුපිරි වැඩක්.ජය වේවා..!!

    ReplyDelete
    Replies
    1. මේක කියවන්ට නම් එච්චරකල් බලා ඉන්ට ඕනි නෑ. තව කොටසක් හෙට. ආවට ප්‍රමුදිට ස්තූතියි.

      Delete
  23. පොඩ්ඩි ,බුරා දවස් ගානක් මේක කියවන්නට හිටියාට අද තමයි පුළුවන් කමක් ලැබුනේ. දැන් ඉතින් මම මේ කතා පෙළට ආසක්ත වෙන එක වැළක්විය නොහැක . මෙගා අතර මෙගා වෙනසක් !!

    ReplyDelete
    Replies
    1. වෙලාවක් තියෙනකොට එන්ට තිලක. ඔයාලගේ අදහස් අපිට ගොඩක් වටිනවා...

      Delete
  24. මුල් කොටස් .තුනටම වඩා මේ පරිචජේදය වෙනස් රසවත් අකාරයකින් පටන්ගන්නේ. රසවත් විදිහට අමුතුම ආකාරයේ චරිත වටා ගෙතුන කතාවක්.

    සැබැවින්ම මේ පරිවර්තනය අගේ ඇති උත්සාහයක්

    ReplyDelete
    Replies
    1. ස්තූතියි දයා. පිරිමි ලමයින්ගේ කමෙන්ට්ස් වැඩිම පෝස්ට් එක මේක වෙන්ට ඇති. කතාවේ වෙනසකුත් ඇති. හී හී...

      Delete
  25. මම මේක කියවන්න නොආවේ මම මේ වර්ගයේ කතා වලට අකමැති නිසා, ඒත් මේක ලියලා තියෙන විදිය දැක්කම ඉන්ටෙර්ස්ටින් වගේනේ. උඹලා ලියපල්ලා මම එන්නම් පස්සේ ඔක්කොම එක පාරට කියවන්න බලාගෙන.

    ReplyDelete
    Replies
    1. නින්ද යන්නේ නැති වෙලාවට එන්ටකෝ රංගි. රෑ තිස්සේ ඇහැරලානේ...:)

      Delete
  26. හ්ම් , මං ඒත් බැලුව කෝ මේ මෙනු එක කියලා. බැලින්නං ඒක ඇවිදගෙන ගිහිල්ලා නෙව දකුණු පැත්තට .

    හහ්, අපිට කොයින්ද පූසෝ මාළු, අපි යනවැයි මූදු? :)

    අර සිතියමයි, නයිට් වොච් එක ගැන විස්තරෙයි බොහොම හොඳයි. පොඩි යෝජනාවක්:

    නරකද, නැරෝ සී සහ ලෑන්ඩ් බ්‍රිජ් එක වගේම වෝල් එකෙන් උතුර වෙන් වෙලා තියෙන හැටි පෙන්නුවොත්. අර තඩි සිතියමේ නං ඇති, ඒත් එකෙ එව්වා හොයන්න අනිත් අය වගේම මාත් කම්මැලියි.

    යෝජනාවත් පමණයි. කරන්න පුළුවනිද මන්දා?

    ReplyDelete
    Replies
    1. මෙනු එක ගොහිල්ලා දැම්මා දකුණු පැත්තෙ තීරුවට. මොකද ඔය සමහර වැඩිය ඇස් පේන්නැති නාකි ආච්චිලට ඒක හොයාගන්ට අමාරුයිලු උඩින් දැම්මහම. ඉතිං, 'ඔක්කොම කුණු ස්ලේවර්ස් බේ එකට' කිවුවා වගේ දැම්මා ඔක්කොම ලින්න්ස් ටික දකුණු පැත්තට.

      ඇයි බොලං, අර තඩි සිතියම දීලා තියෙන්නෙ ඒක නෙවෙන්නං. ස්ථාන නාම හඳුනාගන්ට කියලා. කොහෙද ‍මේ කම්මැලි බස්සොත් එක්ක බෑ නෙවැ කිසිම දෙයක් කොරන්ට. ඕන නම් මට මෙහෙම කල හැකි. ඒ සිතියම බාගන්ට දීලා තියෙන ඔප්ෂන් එක අයින් කරලා එතනට දාඤ්ඤං මධ්‍යම ප්‍රමාණයේ සිතියමක්, බලන්ට පුළුවන් වෙන්ට.

      Delete

    2. සිතියමෙ තියෙද්දිත් මේ වග නොපෙනෙන්නේ
      ඇස් ගෙඩි දෙකට හෙණ ගැහිලද බස්සොන්නේ

      යුවර් ග්‍රේස්, ඔහොම කිව්වට, ඒ සිතියම දැක්ක ගමන් කියවන්න එපා වෙනවා. පොඩි අකුරු, ඒ මදිවට ඉංගිරිසි. මේ අළුත් සිතියම බොහොම පැහැදිලියි. ටිකයි , හොඳයි, මහප්ප්‍රාණ, අනවශ්‍ය තොරොම්බල් නෑ. ෂෝට් & ස්වීට්.මං කිව්වෙත් ආන්න ඒ වගේ එකක්.
      මේ ලැන්ඩ් බ්‍රිජ් එකයි, වෝල් එකෙන් ඒක ඇහිරිලා තියෙන හැටියි වැදගත් කියලයි මට හිතෙන්නෙ.

      Delete
  27. පලවෙනි කොටස කියෙව්වට පස්සෙ අදයි මේ පැත්තේ එන්"ට" වෙලාවක් ලැබුනේ.

    ඔක්කොම කොටස් ටික එක සැරේ කියවනකොටත් ගතියක් තියෙනවා.

    ReplyDelete